ஐ.சி.சி.யில் ரசிகர்கள் தேர்ந்தெடுக்கும் சிறந்த வீரருக்கான விருது: பட்டியலில் டோனி இடம் பெற்றார்

ஐ.சி.சி.யில் ரசிகர்கள் தேர்ந்தெடுக்கும் சிறந்த வீரருக்கான விருது: பட்டியலில் டோனி இடம் பெற்றார்

ஐ.சி.சி.யில் 2010 ம் ஆண்டு முதல் நடைமுறைப்படுத்தப்பட்ட ரசிகர்கள் தேர்ந்தெடுக்கும் சிறந்த வீரருக்கான விருதுகளின் இந்த ஆண்டுப் பட்டியலில் டோனி உள்ளிட்ட 5 கிரிக்கட் வீரர்கள் இடம்பெற்றுள்ளனர்.டோனி தவிர தென்னாப்பிரிக்க துடுப்பாட்ட வீரர் ஹஷிம் ஆம்லா, வெஸ்ட் இண்டீசின் கிறிஸ் கெய்ல், முன்னாள் இலங்கை கப்டன் குமார் சங்கக்கார மற்றும் இங்கிலாந்தின் ஜோனதன் டிராட் ஆகியோர் அந்த பட்டியலில் இடம் பெற்றுள்ளனர். இந்த வீரர்களில் இருந்து ஒருவரைத் தேர்ந்தெடுக்க விரும்பும் கிரிக்கட் ரசிகர்கள் www.lgpeopleschoice.com என்ற இணையதளத்தில் வாக்களித்து தங்கள் அபிமான வீரரைத் தெரிவு செய்யலாம். ஓகஸ்டு 25 ம் திகதி மாலை 4.30 மணியில் இருந்து வாக்குப்பதிவு தொடங்கும், தேர்வாளர் செப்டம்பர் 12 ம் திகதி லண்டனில் நடைபெறும் ஐ.சி.சி. விருதுகள் விழாவில் அறிவிக்கப்படுவார். 2010 ம் ஆண்டில் சச்சின் டெண்டுல்கருக்கு இந்த விருது வழங்கப்பட்டது. ஐ.சி.சி. விருதுகள் பட்டியலில் ரசிகர்கள் விருது சேர்க்கப்பட்டதும் 2010 ம் ஆண்டில் தான் என்பது குறிப்பிடத்தக்கது.